17

پاکستان ہاکی فیڈریشن کی کانگریس کا اجلاس 29 دسمبر کو لاہور میں طلب

 لاہور: پاکستان ہاکی فیڈریشن کی کانگریس کا اجلاس 29 دسمبر کو طلب کرلیا گیا ہے۔ 

لاہور میں ہونے والے اجلاس میں قومی کھیل کی سمت کو درست کرنے کے لیے آئین میں ترامیم سمیت اہم فیصلے ہوں گے۔ مجوزہ ترمیم کےمطابق ہاکی فیدڑیشن سے وابستہ کوئی بھی عہدیدار پی ایچ ایف حکام یا ٹیم کی کارکردگی کو نشانہ نہیں بناسکے گا، ایسا کرنے کی صورت میں اس کی فیڈریشن سے وابستگی ختم کی جاسکے گی۔ اس اجلاس میں قومی ہاکی ٹیم کی کارکردگی اور مستقبل کے لائحہ عمل پر تبادلہ خیال ہوگا۔

اجلاس میں 2017 اور 2018 کے آڈٹ اکاؤنٹس سمیت اگلے مجوزہ بجٹ کی منظوری بھی دی جائے گی۔ آڈیٹر کی تقرری پر بھی شرکا کو اعتماد میں لیا جائے گا۔ ایشین گیمز، ایشین چیمپئنز ٹرافی اور ورلڈکپ میں ٹیم مینیجرز کی رپورٹس کی روشنی میں قومی ہاکی ٹیم کے مستقبل کے لیے اہم فیصلے بھی ایجندے کا حصہ ہیں۔ 12 سے 19 جنوری تک اعلان کردہ پاکستان ہاکی سپر لیگ کے بارے میں اب تک ہونے والی پیش رفت پر مشاورت ہوگی۔

The post پاکستان ہاکی فیڈریشن کی کانگریس کا اجلاس 29 دسمبر کو لاہور میں طلب appeared first on ایکسپریس اردو.



Source link

اس خبر پر اپنی رائے کا اظہار کریں

اپنا تبصرہ بھیجیں