7

سمبا کا 2 ہفتوں میں 350 کروڑ کا ریکارڈ بزنس

ممبئی: نامور بالی ووڈ اداکاررنویر سنگھ کی فلم’’سمبا‘‘نے ریلیز کے محض دوہفتوں میں 300 کروڑ سے زائد کا ریکارڈ بزنس کرلیا۔

ہدایت کار روہت شیٹھی کی فلم‘’سمبا‘‘ریلیز کے پہلے روز سے ہی کھڑکی توڑ بزنس کررہی ہے، فلم نے ریلیز کے محض دو ہفتوں میں صرف بھارت میں 200 کروڑ کا بزنس کیا ہے جب کہ ’’سمبا‘‘بیرون ممالک بھی اچھا بزنس کررہی ہے۔ فلم کے پروڈیوسر کرن جوہر کے مطابق ’’سمبا‘‘دنیا بھر سے اب تک 350 کروڑ کا بزنس کرچکی ہے۔

350 کروڑ کے غیر معمولی بزنس کے ساتھ ’’سمبا‘‘کئی ریکارڈز بناچکی ہے یہ روہت شیٹھی کی 100 کروڑ کلب میں شامل ہونے والی آٹھویں فلم اور 200 کروڑ کلب میں شامل ہونے والی تیسری فلم ہے، جب کہ یہ رنویر سنگھ کے کیریئر کی پہلی فلم ہے جس کا آغاز اتنا شاندار ہوا ہے۔

اس خبرکوبھی پڑھیں: رنویر کی ’سمبا‘ نے شاہ رخ کی ’زیرو‘ کو پیچھے چھوڑدیا

بالی ووڈ تجزیہ نگار ترن آدرش کا کہنا ہے کہ فلم’’اڑی‘‘اور ’’ایکسیڈنٹل پرائم منسٹر‘‘کی ریلیز کے باوجود ’’سمبا‘‘باکس آفس پر اچھا بزنس کررہی ہے۔

اس خبرکوبھی پڑھیں: فلم ’سمبا‘ آن لائن لیک

واضح رہے کہ اس سے قبل 2018 میں صرف فلم’’پدماوت‘‘نے ریلیز کے 15 دنوں میں 350 کروڑ کا بزنس کیا تھا، جب کہ گزشتہ برس ریلیز ہوئی فلم’’سنجو‘‘15 دنوں میں 300 کروڑ کا بزنس کرنے میں کامیاب رہی تھی۔

The post سمبا کا 2 ہفتوں میں 350 کروڑ کا ریکارڈ بزنس appeared first on ایکسپریس اردو.



Source link

اس خبر پر اپنی رائے کا اظہار کریں

اپنا تبصرہ بھیجیں